Ուրբաթ օրը մենք գնացել ենք ճամփորդության։ Մենք դասարանով գնացինք Թեժառույքի վանք։ Այն գտնվում է Մեղրաձոր գյուղում։ Ես գնացել եմ հայրիկի մեքենայով։ Ճանապարհը շատ երկար էր ու հոգնեցուցիչ, բայց ուրախ ու հաճելի էր։ Մենք հաղթահարեցինք ևս մեկ բարձունք։ Բարձունքի հաղթահարումը նվիրված էր Հայաստանի անկախության տոնին։ Այս ճամփորդությունը ես կհիշեմ դեռ շատ երկար ժամանակ։

Երբ ես մեծանամ կուզեմ դառնալ կարատեի մարզիչ։ Ես երեխաների հետ կպարապեմ։ Ես կուզեմ նաև մեծ և սպիտակ մեքենա ունենալ ու լողավազանով տուն։ Երբ ես մեծանամ ես Սևանում կապրեմ։ Այնտեղ ամեն օր կլողամ և կհանգստանամ։

Այս տարի ամռանը ես գնացել եմ Հունաստան։ Այնտեղ ես լավ լողացել եմ, նավարկել եմ, լիքը համով ուտելիքներ եմ կերել։ Հունաստանից հետո ես գնացել եմ Եղեգնաձոր՝ տատիկիս տուն։ Եղեգնաձորում ես խաղացել եմ, հեռուստացույց եմ դիտել, տատիկիս հետ ծաղիկներ եմ տնկել։ Հետո մայրիկիս հետ գնացել ենք Աղվերան։ Աղվերանում մենք շատ լավ հանգստացել ենք։ Հետո եկել ենք Երևան և պատրաստվել դպրոցին։

• 

Ես կուզեի ապրել Մարս մոլորակում։ Այնտեղ մարդիկ միշտ ուրախ, ու բարի կլինեին, իրար հետ ընկերություն կանեին, իրար չէին խփի ու միշտ կսիրեին իրար։ Մարսում ես կլինեի տասնութ տարեկան և համալսարան կգնայի աքլորի վրա նստած։ Այնտեղ երկնքից շոկոլադներ կթափվեին։ Իմ մոլորակում բոլոր մարդիկ զվարթ ու խաղաղ կապրեին։

Իմ տունը շատ գեղեցիկ է։ Մենք մեկ տարի առաջ ենք տեղափոխվել այս տուն։ Մեր տունը փոքր է, բայց շատ հարմարավետ։ Իմ տանը ես ունեմ շատ խաղալիքներ։ Ես ունեմ նաև շատ ծաղիկներ, որոնց միշտ խնամում եմ։ Ես շատ եմ սիրում իմ տունը։

Իմ ընկերը Իսրայելն է։ Նա գեղեցիկ է, բարի, խելացի։ Մենք միասին սովորում ենք, խաղում ենք։ Նա միշտ ժպտում է։ Մենք միշտ իրար օգնում ենք։ Իսրայելը այս տարի է տեղափոխվել մեր դասարան։ Մենք շատ արագ ընկերացանք։

Իմ ընտանիքի անդամներն են՝ հայրս, մայրս, տատիկս, պապիկս ու ես։ Նրանք շատ բարի և հոգատար մարդիկ են։ Հայրս ու մայրս աշխատում են որպես գլխավոր հաշվապահ։ Տատիկս ու պապիկս չեն աշխատում։ Նրանք օգնում են, որ ես դասերս պատրաստեմ։ Մենք միասին խաղում ենք, դուրս ենք գալիս ման գալու։ Ես շատ եմ սիրում իմ ընտանիքը։